U più chè so innamuratu
E quella di to capelli
Li to ochj tanti allegri
Scmiscenu li zitelli
Ma à dilla franca è chjara
Eo so unu di quelli
A Dumènica la mane
Quande tu esci cambiata
Da fresteri e paisani
Da tutti si rimercata
Tutt'onugnu si dumanda
Di qual' sei innamurata
A mio ricca di statura
Bianca e rossa di culori
A guardati pari un fiore
A parlati incanti u core
Bellu contentu sara quellu
Chi cunt'te farà l'amore
Vogliu scrive lu to nome
Da sopra tutte le stelle
In paese ùn ne nasce
Cume tè belle zitelle
Furtunatu sara quellu
Chi ti metterà l'anellu
Furtunatu sara quellu
Chi ti metterà l'anellu
