يمكن لو في بيني وبينك حكي كنا حكينا
يمكن لو في بيني وبينك دمع كنا بكينا
لو كان في طريق تودي شوي، شوي كنا مشينا
أو كان في شي درب يوصل بيني وبينك كنا لقينا
يمكن لو في بيني وبينك قصص كنا قرينا
يمكن لو في بيني وبينك صلاة كنا دعينا
لو كان في طريق تودي شوي، شوي كنا مشينا
أو كان في شي درب يوصل كنا لقينا
يمكن لو في بيني وبينك حلم كنا غفينا
يمكن لو في بيني وبينك سِلِم كنا نسينا
لو كان في طريق تودي شوي، شوي كنا مشينا
أو كان في شي درب يوصل بيني وبينك كنا لقينا
يمكن في نغمة وحدة بيني وبينك عم بتعيد
يمكن في ناس كتيرة بيني وبينك ما بتفيد
يمكن في قمر أو في شجر أو شي جسر حديد
يمكن في سهل أو في جبل أو في شي وادي بعيد
يمكن في طريق جديدة بيني وبينك نحنا مش شايفينا
