Mì n'hoo mai vist come mì, cara gent
Foeura de matt per ona bella tosa
Ma gh'hoo de dì che hoo perduu i sentiment
A vardaggh tropp i tett in la camisa
L'era on bell fior in d'ona pell de vacca
L'era ona vacca e la pareva on fior
Ona sanguetta che quand la se tacca
La te strepenna e la te strascia el coeur
El Ciel el gh'aveva daa tanti robb
De brusà i man apena vun je tocca
Ghe n'era inscì che mì savevi nò
Savevi pu indove poggià la bocca
L'era on bell fior in d'ona pell de vacca
L'era ona vacca e la pareva on fior
Ona sanguetta che quand la se tacca
La te strepenna e la te strascia el coeur
On coo de ratt senza sentiment
Senza cervell e nanca spiritosa
Ma per podè fà l'amor basta nient
Gh'è nò besogn de fà studià ona tosa
L'era on bell fior in d'ona pell de vacca
L'era ona vacca e la pareva on fior
Ona sanguetta che quand la se tacca
La te strepenna e la te strascia el coeur
On dì l'è andada e la m'ha pientaa chì
El coeur strasciaa de fà quasi vergogna
Tucc i decott che me tocca sorbì
Hinn nò staa bon de famm passà 'sta rogna
L'era on bell fior in d'ona pell de vacca
L'era ona vacca e la pareva on fior
Ona sanguetta che quand la se tacca
La te strepenna e la te strascia el coeur
Gh'hoo tiraa dree tanti maledizion
Ma 'dess ormai l'hoo bell'e perdonada
Anca se la m'ha lassaa 'sto por coeur
Consciaa e sbattuu comè 'na ressumada
L'era on bell fior in d'ona pell de vacca
L'era ona vacca e la pareva on fior
Ona sanguetta che quand la se tacca
La te strepenna e la te strascia el coeur
