Minga domà in piazza del Dòmm
gh'è i delinquent e i donn:
nel noster piccol a Lambràa
ghe n'è che moer mazzàa.
nel noster piccol a Lambràa
ghe n'è che moer mazzàa.
L'era giamò senza cavèj
ma 'l coeur come in bagaj;
l'ha comincià a sentì i scalmànn
per voeuna da vint'ann
l'ha comincià a sentì i scalmànn
per voeuna da vint'ann.
Ma quand la carna l'è on butter
la costa semper car:
domà coi primm quatter basìtt
la gh'ha fàa foeura tutt
domà coi primm quatter basìtt
la gh'ha fàa foeura tutt.
Quand la g'ha ditt de dågh el rest
lù el gh'ha nanca rispost:
e quand l'ha vist ch'el pagava no
la s'è vestida anmò
e quand l'ha vist ch'el pagava no
la s'è vestida anmò.
Poeu l'ha ciamàa sù el sò belèe
pientàa in sul marciapè
e tutt e dù per el vegètt
han preparàa el colpett
e tutt e dù per el vegètt
han preparàa el colpett.
E intant che lù el faseva el bèll
lèe la g'ha fàa la pèll:
l'era giamò bianch come un strasc,
lèe la gh'ha fàa i boccasc
l'era giamò bianch come un strasc,
lèe la gh'ha fàa i boccasc.
L'han voltàa in aria sora e sòtt
ma gh'han trovàa nagòt:
domà cartascia e on quaj librètt
con dùu o trìi medajètt
domà cartascia e on quaj librètt
con dùu o trìi medajètt.
Allora gh'he vegnùu el rimors
e lì visin al mort
a piangigh sora in genogiòn
la gh'ha ciamàa perdon
a piangigh sora in genogiòn
la gh'ha ciamàa perdon.
Quand dopo on poo inn rivàa i pollèe
l'han vista in sul sorèe
che la piangeva cont el coeur
l'ha vista anca el Signòr
che la piangeva cont el coeur
l'ha vista anca el Signòr.
El dì che poeu gh'han fàa i barbìs
l'è andada in Paradìs:
domà i bigòtt dìsen de no,
la ghe va minga giò
domà i bigòtt dìsen de no,
la ghe va minga giò.
Minga domà in piazza del Dòmm
gh'è i delinquent e i donn:
nel noster piccol a Lambràa
ghe n'è che moer mazzàa
. nel noster piccol a Lambràa
ghe n'è che moer mazzàa.
