Ik hofde dur echt niks vur te doon
Ik keek nar boete en ik ging
op mien zelfde alde schoon
en ik deej gewoen mien ding
Oet ut niks begos dun daag
Un tas koffie beej de krant
Di vur meej op dun taffel laag
Ik ging blind op mien verstand
Alles leep zoe as ut leep
En brave jong zoe as ut huurd
Ik zaag aalt en denkbieldige streep
en doar bleef ik oet de buurt
Maar ineans kreeg ik ut benauwd
Ik waas danig vaan de leg
Op enne merge ging ut fout
Miene geluksknikker waas weg
Oh waat en pech
Miene geluksknikker waas weg
Waat enne tied
Miene geluksknikker waas kwiet
Jonge jonge waat en pech
Miene geluksknikker waas weg
De betoevering verbrook
Ik ging vaan de hugste plank
Ik keek nar onder en ik dook
Maar ut zwembad daat stong blank
Gennen engel din meej ving
Val gebroke door ut heg
Toen ik steil nar onder ging
Miene geluksknikker waas weg
Oh waat en pech
Miene geluksknikker waas weg
Waat enne tied
Miene geluksknikker waas kwiet
Jonge jonge waat en pech
Miene geluksknikker waas weg
Ik woard wakker en ik keek
Ut vulde as un neej begeen
Toen ik door mien oëge streek
En dur licht nar binne scheen
Roeie gloed op ut plafond
Ut waas nag duuster maar ik zaag
Um stralen aan dun horizon
Op ennen splinternejje daag
Oh waat en pech
Miene geluksknikker waas weg
Waat enne tied
Miene geluksknikker waas kwiet
Jonge jonge waat en pech
Miene geluksknikker waas weg
