Blaauwe luchten boven t wiede slichte laand
Je zain het zo: Grunnen is kloar
Overaal is t recht en bediekt en besluusd
Joa boudel is hier goud veur mekoar
Mit vedde klaai zo vèr as het oog rekt
En Slochteren as schatkist van het laand
Mor den opains, wat is dat, onweer onder grond
En alles trilt en beeft ien golden raand
Swaarde wolken boven t wiede slichte laand
Doar kommen ze weer, n poar man staark
De wiezen oet het westen vergoaderen haile dag
Dat is schoon en mooi dreug waark
Ze zeggen, wie moaken ons dikke zörgen
Zo staait t ook ja weer ien kraant
Ze zuchten en ze proaten en ze zuchten nog een keer
En alles trilt en beeft ien golden raand
Swaarde wolken boven t wiede slichte laand
Het gas is nog lang nait op
Kroan blift open, mor doar zeggen ze den wel bie
Wie groaven joen graf mit n zulvern schop
Ain perbaaiert te verhoezen
Aander zegt: Ik goa nait aan kaant
Mor elkenain zigt mörgen mit angst ien de muit
Want alles trilt en beeft ien golden raand
