مليش حل و مفيش فايدة كمان فيا
ما عنديش نيه انى اعيش غير لو يعيش ليا
فى كام حاجة انا استنيتها تيجى منه وليه بيعزها عليا
وكام مره انا جيتله باجى على مفيش
مليش حل و مفيش فايدة كمان فيا
ما قبليش حد عاش حالة شبه ديا
بكام موضوع انا نفسى اجي و اصارحه و عندى كلام يطول شرحه
وست سنين فى موضوع بس متكفيش
مليش حل و مفيش فايدة كمان فيا
أنا على اخري من بدري و فاض بيا
كمان كام يوم لو انا هفضل على الحال ده
ﻻ انا هرتاح وﻻ هاهدى ده انا تعبان بقالى مدة و مريحنيش
ملوش مالكة و دى الحاجة اللي قلقاني
منين بفتحله باب يقفلي باب تاني
مفيش قدامى أنا سكة اجيبه ليها وﻻ سكة اجيبه بيها
و حياتى و هو مش فيها متلزمنيش
