لمت الزمان ولايم الوقت غلطان
حوادث الايام من فعل اهلها
كل يغني مع زمانـه على شان
هذا يميــلها وهذا عدلها
وانا نديم الوجد في ليل الاشجان
اجاذب نجوم الليالي غزلها
ياما جرحت بّونتي ليل الاحزان
ياما سمع منّي وياما حملها
وياما رقص مع نغم الحب نشوان
ينفض عن النجمات وحشة مللها
قصيدتي رحشة خفوق وجدان
صوّت بها السّاري وردّد مثلها
قصيدتي غنيتها روح الانسان
اللى معانيها بروحه صقلها
اللى غدى في شوفة العين ميزان
غيره الى شافته عيني خذلها
يا عايش باللّو واللّيت خسران
دنياك ما تسوى حسايف زللها
يروح عمري بين لو كان ما كان
والعمر ساعة ما تساوي عذلها
