Cheerophobia

انا بعتذرلك عن سكوتي وقت ما تحبي الكلام و إن عندي شيروفوبيا و نقص حاد فى الاهتمام و اني دخلتك معادلة ليها اكتر من نهاية و اني محتاجك بعيدة بس محتاجلك معايا انا بعتذرلك عن كلامي وقت ما تحبي السكات واني كافر بالسعادة واني مؤمن بالعياط واني بطلت السجاير يوم يومين، و رجعت تاني و اني عايزك تبقي ليا بس، مش عايزك تعاني انا بعتذرلك عن وجودي و بعتذر عن غيابي واني مايل لإنعزالي و مادة خام للإكتئاب و اني زودت ارتباطك بألف حاجة هتسيبيها واني قللت انبساطك في الحياة بوجودي فيها انا بعتذرلك عن كلامي عن سكوتي عن وجودي عن غيابي انا بعتذرلك عن سكوتي