Waut Es Läwen?

Jo, horch mol Ekj ha ne fräo, waut es läwen, wuarom senn ekj hia? Fäle läwen s'us wan dua niemols ne uasak wia De welt sajcht "Lot et scheen gon un mäak jelt Un siet schaftich, doot wautemma junt biefelt" Läwen es kort, daut weeten wie aula sea goot Daut eensje dinkj waut secha es von läwen es de doot Es doa kjeene hopninj? Daut späat sikj sea diesta Nochmol feel ekj gauns veloarn un fäaken vebiestat Ekj ha von Gott jehieet, oba woo kaun ekj Am leewen? Wäajen dee han jesajcht daut ekj kaun niemols secha weeten Auf ekj seelich senn er nich, ekj mott bloos sea proowen Un fäle goode woakjen doon, fleicht woat Gott mie beloonen Fleicht lat Hee mie en himmel nenn, un fleicht uk nich Ekj well jiern weeten, senn ekj opp dän rajchten stich? Eensje sajen doa es hopninj, es daut werklich soo? Kaun ekj daut uk han? Saj mie wua, saj mie woo Wan die hungat komm, Jesus es daut Broot von Läwen Hee es de sinda jnädich, Hee kaun die de schult vejäwen Laj dien läwen han, gauns om däm Harn to deen Hee es met ons, doo nicht verchten, wie sent nich auleen Doa es kjeena dee jerajcht es, nich mau eena Onse jerajchtichkjeit es schwienscha aus waut blottje kjleeda Schwienscha aus schmäaje lunsen, un jo wie sindjen wellich Oba Gott haft nuscht met sind to doon wäajen Hee es heilich Ons hoat es dunkel un daut prooft sikj met sind to befrädjen Onse belooninj es daut ons sull enne hall jeschmäten Wie hant nu ne bredulje, ne vewekjelde sach Wie kjenn met Gott nuscht äwareen mäaken met onse macht Wie kjenn nuscht doon toom däm himmel vedeen De Bibel sajcht wie sent jerat derch Gottes jnod un gloowen auleen Nich derch onse woakjen, daut es een jeschenkj von Gott Daut kjeena uasak haft prauzich to senn un fat em kopp Jesus säd "Komm no Mie, Ekj sie daut Läwendjet Wota De Woarheit un daut Läwen, de Eensja Wajch no däm Voda" Daut steit jeschräwen fa dee waut aun Gott Sien Sän jleewen Daut see daut eewje läwen han, dee kjenn daut secha weeten Wan die hungat komm, Jesus es daut Broot von Läwen Hee es de sinda jnädich, Hee kaun die de schult vejäwen Laj dien läwen han, gauns om däm Harn to deen Hee es met ons, doo nicht verchten, wie sent nich auleen Drei diene uagen mol no Jesus, Hee es daut Licht Sieekjs du dän wajch no dän Voda? Hee es de Stich Velot die gauns opp Am, un Hee woat die kjeenmol teischen Hee mäakt daut hoat fromm un jeft een frieet jewessen Wie sennt jemäakt toom Gott Sien Nom opphäwen Johannes 17:3, Gott kjann, dit es eewjet läwen Dit's wuarom Jesus kjeem, toom ons met Gott veseen Nich bloos daut wie nom himmel kjenn, oba daut wie Am deen Aus wie noch fientlich wiern jäajen Gott schekjt Hee Sien Sän nom doot Nich wäajen Hee Am nich räakjend, oba Hee wia ons soo goot! Wuawäajen sennt wie hia? Mau bloos fa Gottes ia Wan ekj daut kjieech waut ekj vedeent haud wia ekj aul em fia Daut es de hoade woarheit, ommaklich dee opp to schlucken Wäa well daut hiern daut wie vedeent han enne hall to hucken? Deemutich die ver Gott, Hee woat die nienich wajch driewen Un wan de fient uck prooft, hee kaun von Gott nuscht wajch rieten Wan die hungat komm, Jesus es daut Broot von Läwen Hee es de sinda jnädich, Hee kaun die de schult vejäwen Laj dien läwen han, gauns om däm Harn to deen Hee es met ons, doo nicht verchten, wie sent nich auleen