Ekj Jleew

Jo ekj jleew aun dän Voda em himmel däm kjeena jeseen haft Dän Sän un uck dän Jeist, een Gott Un ekj jleew daut de Bibel es woarheit Daut es wichtich daut een Kjrist dee gauns woa nemt Jo ekj jleew gauns rein, met on fräo Daut Gott de welt jemäakt haft en 6 däo Un ekj jleew daut Jesus no de welt kjeem Derch Maria, un dän maun? Ar kjand kjeem! Jesus es gauns mensch, un gauns Gott On sind on fäla, gauns schmock Un ekj jleew daut Am doa vepitscht wort Ver Pilatus un daut Hee oppem kjriez storf Ekj jleew daut see läden Am en grauf nenn Oba 3 däo lota wia Hee doa nich benn Un ekj jleew daut Hee von doot oppstunt Wan Hee nich Gott wia, dan haud Hee daut nich kunt Opp waut bust du dien läwen Hast du een fausta grunt? Best frie von diene kjäden Er vebräaken un vewunt? Opp waut bust du dien läwen Hia en dee latste stund? Doo Jesus aules jäwen Hee mäakt de seel jesunt Jo ekj jleew daut Jesus bie däm Himmlischa Voda to rajchte haunt sett Un daut Hee bie Gott ve ons ennstett Ekj jleew daut dän Sän miene strof neem Ve Gottes ia daut wie Am kjenn kom deen Un ekj jleew daut Gott deit ons aun näm Aus Siene kjinja derch daut bloot von Sien Sän Jo ekj jleew daut wie nu jerajcht sent Wäajen daut bloot onse sinden aula wajch nemt Daut kjemt derch jnod von Gott Derch gloowen en Am, dee ons koft Un ekj jleew daut gloowen helt nuscht enn Met on woakjen, jo doa mott frucht senn Ekj jleew daut Jesus woat trigj kom Om dee to rechten, dee Am nich no gon Un ekj jleew daut Hee ve Siene brut kjemt No däm himmel es wua Hee ar han nemt Opp waut bust du dien läwen Hast du een fausta grunt? Best frie von diene kjäden Er vebräaken un vewunt? Opp waut bust du dien läwen Hia en dee latste stund? Doo Jesus aules jäwen Hee mäakt de seel jesunt Jo ekj jleew daut een Kjrist haft ne läwendje hopninj em hoat benn Dee woat beston wan wie uck em soakj senn Un ekj jleew daut Gott ons nich auleen leet Wie sent jetreest derch dän Jeist däm Hee ons jeef Ekj jleew daut doa eene woare kjoakj es Nich de jemeent von dee waut du een poat best Nich een jebied, nich de städ wua wie toop kom Oba aul dee waut en Jesus Kjristus toop ston Ekj jleew daut een mensch sull jedeept woarn Bloos wan hee de bekjierunk haft erfoarn Ekj jleew daut een Kjrist sull sikj aunstrenj Soo to läwen daut kjeena en am kaun schult finj Un ekj jleew daut een Kjrist sull uck waussen De Schreft kjan liern, bäden un fausten Ekj jleew daut ons Heilant woat boolt kom Leewe frind mäakt reed, well wie toop ston Opp waut bust du dien läwen Hast du een fausta grunt? Best frie von diene kjäden Er vebräaken un vewunt? Opp waut bust du dien läwen Hia en dee latste stund? Doo Jesus aules jäwen Hee mäakt de seel jesunt