Music Video
Credits
PERFORMING ARTISTS
Adrian Stern
Vocals
COMPOSITION & LYRICS
Adrian Stern
Songwriter
PRODUCTION & ENGINEERING
Thomas Fessler
Producer
Lyrics
Er het sich gschnitte bim rasiere
Wäri fasch diheime blibe
Er hät Löcher Fläcke gfunde
Uf sine Hose und sine Schueh
Er het s'Ässe fasch vergässe
Und sin Buch tuet immer weh
Er het er vor luuter Bäum de Wald nüm gseh
Er het dänkt so klappt das nie
Wäni nöd mal es Billet löse cha
A de Bushaltstell fahrt nüt
Känn mi nöd uus i dere Stadt
Wie de hinderletschi Tubel staht er mit Flipflops im Schnee
Und cha vor luuter Bäum de Wald nüm gseh
Ein Mänsch won er verehrt und bewunderet
E sälteni fascht usgstorbeni Gattig i dem wilde Zoo
Luegt hii und ihm id Auge und gseht hindedra no meh
Und frögt: Wämmer eus bald wieder gseh?
Bim Husbau het's Strit geh
Über d'Farb vom Gästebad
De Maler het verspätig
Und d'Heizig lauft nöd aa
Und jetzt sitzeds i dem Rohbau
Chappe, Schaal, chalte Tee
Und chönd vor luuter Bäum de Wald nüm gseh
Zwei Mänsche wo sich ehred und bewundred
E fascht scho e chli sältni Gattig i dem wilde Zoo
Sie lueged hii und sich id Auge und us weniger wird meh
Und fröged sich: Wo füehrt das no hii?
Ja, d'Lisa wott nöd lerne
Schuel isch doof und sie cha's eh
De Robin mues is Fuessball, is Cello und is Schriibatelier
Und jetz starreds in Kaländer, gsänd kä freii Täg meh
Und chönd vor luuter Bäum de Wald nüm gseh
Ja ihr zwei wo eu liebed und bewundered
Ihr sältne kompatible Tierli i dem wilde Zoo
Lueged hii, drucked Pause, viellicht bruchts ja gar nöd meh
Wänn ihr vor luuter Bäum de Wald, vor luter Bäum de Wald
Vor luter Bäum de Wald nüm chönd gseh
Writer(s): Adrian Stern
Lyrics powered by www.musixmatch.com