Du hesch mi mal gfrögt, wie isches früehner gsi?
Was händer so gmacht, vor dere Ziit?
Ja, mir händ eus abgrackeret ime änge Horizont vo'nere Arbeit
Wo'nes Unternähme stärche söll
Es Unternähme wo euses Überläbe nöd sichere hälfe wür
Und au kei Läbensfrage beantworted
Mit jedem Blick i d'Vergangeheit
Hämmer nüt als Fortschritt gseh
Mit jedem Blick i d'Zuekunft
Nüt als Niedergang
So isch es gsii
Wie d'Landschaft sind mir im Rückzug gsi
Händ eusem Verschwinde nüt entgegegsetzt
Mir sind alles gliichziitig worde
Souveräner und ohnmächtiger
Zielstrebiger und zerstreuter
Sicherer und instabiler
Mir sind die gsi wo gwüsst händ
Voller Information, aber ohni Erkänntnis
Mit jedem Blick i d'Vergangeheit
Hämmer nüt als Fortschritt gseh
Mit jedem Blick i d'Zuekunft
Nüt als Niedergang
So isch es gsii
Mir händ no es letschts Selfie gmacht
No e letschti Story postet
No e letschti Wanderig dur s'Netz und dänn simmer zrugg a d'Arbeit
Uf euses Überläbe hämmer irgendwie nöd bestande
Euses Kapituliere isch es "mit de Zyt gah" gsii
Mit jedem Blick i d'Vergangeheit
Hämmer nüt als Fortschritt gseh
Mit jedem Blick i d'Zuekunft
Nüt als Niedergang
So isch es gsii
Bye bye goldigi Jahr
Bye bye alts Paradies
Die alti Zuekunft het kä Zuekunft meh
Für die neui, für die neui brucht's Dich
