S lɣerḍ-is yebbeẓ deg yixmiṛ
Yeḍfi yeεweq ay neggef
Yeḍfi yeεweq ay neggef
Yeḥmeẓ yettqeddim s zzhir
Tεezza-t-id tidet ad t-tḥerref
Tεezza-t-id tidet ad t-tḥerref
Texḍef-it yegra-d deffir
Yugi ad yamen yeḥnunef
S aḍṛef iqerben ur yezmir
S anda akken ibεed yessuref
Ɣer lεib i tenǧeṛ tmusni-k
Tḥemmleḍ taɣawsa ad k-tfat
Tḥemmleḍ taɣawsa ad k-tfat
Xas ṭṭef ccuka i wallaɣ-ik
Ndekwi-d qazem lewqat
Ndekwi-d qazem lewqat
Seg usigna bru-d iḍaṛṛen-ik
I yixef-ik tter-d tifrat
Neɣ tezzi tenneḍ i rrebg-ik
Kcem di lebɣi n temrart
Ma tɣileḍ ɣur-i ad d-tafeḍ affar
Heggaɣ-ak-d idmim sari
Heggaɣ-ak-d idmim sari
Sliɣ ad d-tḍelqeḍ lesrar
Deg wedlis werǧin nelli
Di tektabt werǧin nelli
Ur d-ak-yeqṛib umecwaṛ
Deg-i ur d-tettafeḍ iɣisi
A win ijebbden amrar
Ixef-is ha-t-a da ɣur-i
I kečč!
I kečč xas aẓ-d ay uffir
Ur d-igra uɣebbaṛ s allen
Ur d-igra uɣebbaṛ s allen
Kra n wi tεeggbeḍ ur yekkir
Teεmaḍ-t s tmusni n medden
Teεmaḍ-t s tmusni n medden
Ddɣel inced-ak-id lḥir
Teswehmeḍ wid k-iḥemmlen
Ma ineqq usaru n leḥrir
Ula d yir lehḍuṛ neqqen
Ma d lebɣi-k i k-iḥeṛṣen
Ɣer lexḍubegga n temsel
Ɣer lexḍubegga n temsel
Neɣ d allaɣ-ik i ireglen
Tḥulfaḍ iεedda-k lḥal
Tḥulfaḍ iεedda-k lḥal
Kečč yettεicin gar-asen
Teswezleḍ fell-ak awal
Ma d nekk qrib yemmezlen
Txelqeḍ-iyi-d lmuḥal
Kečč yettεicin gar-asen
Teswezleḍ fell-ak awal
Ma d nekk qrib yemmezlen
Txelqeḍ-iyi-d lmuḥal
